Maxfiylik siyosati
Oxirgi yangilanish: 2026-yil 12-noyabr
QARZUZ — do‘konlar uchun qarz daftari ilovasi. Ushbu siyosat ilova qaysi ma’lumotlarni yig‘ishi, ulardan qanday foydalanishi va ularni qanday o‘chirish mumkinligini tushuntiradi.
Qanday ma’lumotlar saqlanadi
- Hisob ma’lumotlari: email manzil yoki telefon raqam, Google yoki Telegram orqali kirilganda — ism va hisob identifikatori. Parol shifrlangan holda saqlanadi.
- Do‘kon ma’lumotlari: do‘kon nomi va telefon raqami (siz yozsangiz).
- Siz kiritgan yozuvlar: mijozlar va ta’minotchilarning ismi, telefon raqami, qarz va to‘lov summalari, sanalar, izohlar.
- Telegram eslatmalari: mijoz botga ulanishga rozilik bersa — uning Telegram chat identifikatori.
- Texnik ma’lumot: kirish sessiyalari va oxirgi faollik vaqti (hisob xavfsizligi uchun).
Ilova joylashuv, kontaktlar ro‘yxati, rasmlar yoki reklama identifikatorini yig‘maydi. PIN kod va barmoq izi faqat telefoningizda qoladi, serverga yuborilmaydi.
Ma’lumotlardan nima uchun foydalaniladi
- Qarz va to‘lovlarni hisoblash, hisobotlar ko‘rsatish;
- ma’lumotlarni telefonlar o‘rtasida sinxronlash va zaxira sifatida saqlash;
- siz yoqqan bo‘lsangiz, mijozlarga Telegram orqali qarz eslatmasi yuborish;
- kirish kodini emailga yuborish va hisobni himoya qilish;
- foydalanuvchilarga yordam berish.
Ma’lumotlar sotilmaydi, reklama uchun ishlatilmaydi va uchinchi shaxslarga berilmaydi (qonun talab qilgan holatlardan tashqari).
Ma’lumotlar qayerda saqlanadi
Ma’lumotlar telefoningizda va Supabase bulut serverida himoyalangan ulanish (HTTPS) orqali saqlanadi. Har bir foydalanuvchi faqat o‘z ma’lumotlarini ko‘ra oladi. Xizmatni ta’minlash uchun quyidagi xizmatlardan foydalaniladi: Supabase (baza va kirish), Google (Google orqali kirish), Telegram (kirish va eslatmalar), Gmail (kirish kodlarini yuborish), Firebase Hosting (ushbu sayt).
Mijozlaringiz ma’lumotlari
Mijozlar va ta’minotchilar haqidagi yozuvlarni siz kiritasiz va ular uchun siz javobgarsiz. Ularning ma’lumotlarini faqat qarz hisobini yuritish uchun kiriting. Mijoz Telegram eslatmalaridan istalgan vaqtda botda voz kechishi mumkin.
Saqlash muddati va o‘chirish
Ma’lumotlar hisobingiz mavjud ekan saqlanadi. Hisobni istalgan vaqtda o‘chirishingiz mumkin: ilovada Sozlamalar → Hisob → Hisobni o‘chirish yoki hisobni o‘chirish sahifasi orqali. O‘chirilganda hisob, do‘kon, barcha mijozlar, ta’minotchilar va yozuvlar serverdan darhol va butunlay o‘chadi.
Bolalar
Ilova do‘kon egalari uchun mo‘ljallangan va 13 yoshgacha bo‘lgan bolalarga qaratilmagan.
O‘zgarishlar
Siyosat o‘zgarsa, shu sahifada yangilanadi va yuqoridagi sana o‘zgaradi.
Bog‘lanish
Savollar bo‘lsa, biz bilan bog‘laning:
QARZUZ